- Ruben Amorim ayaa ka falcelinaya Harry Maguire qaab ciyaareedkiisii dhawaa
- Daafaca Man Utd ayaa markale wacdaro dhigay kulankii Athletic Club
- Saxiixa £80m ayaa hore ugu dhibtooday qaab ciyaareed iyo dhaawacyo
wararka ciyaaraha Maanta
Tababaraha Ruben Amorim ayaa ammaan u jeediyay difaaca Manchester United, Harry Maguire, kadib markii uu kasoo gudbay “waqtiyo adag” oo uu ka soo maray xirfadiisa ciyaareed, markaas oo wax walba u socdeen si qaldan.
Maguire ayaa wajahay dhaleeceyn joogto ah tan iyo markii uu ku biiray Manchester United sanadkii 2019 isagoo kaga yimid Leicester City lacag dhan £80 milyan, taasoo ka dhigtay daafacii ugu qaalisanaa dunida waqtigaas. Qiimahaasi sare wuxuu keenay cadaadis weyn, weliba intaan loo magacaabin kabtanka kooxda.
Laakiin dhaawacyo soo noqnoqday iyo hoos u dhac ku yimid qaab ciyaareedkiisa ayaa sababay in dad badani u arkaan in kaliya uu baxsado ay tahay xal uun. Intaa waxaa sii dheer, Maguire ayaa lagu helay dambiyo kala ah weerar culus, iska-caabin boolis iyo isku day laaluush dhacdo ka dhacday jasiiradda Mykonos ee dalka Giriigga sanadkii 2020. Wuxuu racfaan ka qaatay dambiyadaas balse weli lama dhageysan.
Sannadkii 2023, tababare Erik ten Hag ayaa kabtannimada kooxda ka qaaday Maguire. Waxaa jiray heshiis £30 milyan ah oo uu West Ham doonayay in lagu helo, hase yeeshee ciyaaryahanka ayaa doortay inuu kooxda ku haro oo uu u dagaalamo booskiisa.
Hadda, ku dhawaad laba sano kadib, Maguire ayaa caddeeyay in go’aankiisii sax ahaa. Wuxuu si cajiib ah uga soo muuqday kulamadii Europa League ee lagula ciyaaray Lyon iyo Athletic Club, isagoo sidoo kale si fiican ugu ciyaaraya booska dhexe ee nidaamka saddexda daafac ee Amorim, taasoo keentay in dareen rajo leh laga qabo mustaqbalkiisa.
Kabtanka United, Bruno Fernandes, ayaa sheegay in Maguire uu hadda yahay “nin aad u kalsoon”.
Ruben Amorim ayaa yiri:
“Mararka qaar, nolosha waxay keentaa waqtiyo adag, Harry wuxuu la kulmay waqtiyo aad u adag, wax walbana way qaldanaayeen. Hadda, wax kasta oo uu sameeyo waa faa’iido u leh kooxda, waana inuu ku raaxaystaa.”
Maguire ayaa isagu xalay sameeyay goolkii ugu horreeyay ee ciyaarta, isagoo si lama filaan ah uga soo muuqday garabka midig, isagoo khiyaameeyay laacib difaaca ka horyimid, kaddibna soo dhigay karoos uu madaxa ku taabtay Manuel Ugarte, iyadoo Casemiro dhameystiray.
Maguire ayaa yiri:
“Way fiicneyd inaan wax yar ku gambado garabka ka dibna soo dhigo karoos wanaagsan. Waxaa ku jiray ciyaartoy badan sanduuqa hortiisa, taasoo la micno ah inay iga sugayeen inaan gaaro karoos sax ah.”