- Man City oo haatan aan laga badinin sagaal kulan
- City ayaa ku sii dhowaanaysa xaqiijinta booskooda miiska sare ee Yurub xilli ciyaareedka soo socda
- De Bruyne ayaa dhaliyey goolkiisii 250-aad ee uu ku lug yeesho hoos imaadka Pep Guardiola.
wararka ciyaaraha Maanta/wararka Premier league
Manchester City ayaa tallaabo weyn u qaaday xaqiijinta booskooda Champions League xilli ciyaareedka soo socda ka dib markii ay 1-0 ku garaaceen Wolves garoonkooda Etihad. Gool qurxoon oo uu dhaliyay Kevin De Bruyne ayaa ahaa kan kala saaray labada kooxood kulan adag oo ay martida ay dadaal badan muujiyeen.
Kulankaan wuxuu ahaa kulankii ugu dambeeyay ee De Bruyne uu ku ciyaaro garoonka Etihad isagoo heshiiskiisa uu dhacayo xagaagan, wuxuuna xiddiga reer Belgium u dabaaldegay waayihiisa cajiibka ah isagoo dhaliyay goolkiisii 250-aad ee uu ku lug yeesho hoos imaadka tababare Pep Guardiola. Gaar ahaan Wolves ayaa laga yaabaa inay ku faraxsan yihiin inuu baxo, maadaama 11 ka mid ah goolashaas ay yimaadeen 10 kulan oo uu ugu dambeeyay oo uu ka hor yimid.
Guushan ayaa ka dhigtay City shan guul oo xiriir ah markii labaad oo kaliya xilli ciyaareedkan, waxayna haatan ku fadhiyaan kaalinta saddexaad ee horyaalka, afar dhibcoodna ka sarreeyaan kooxda Nottingham Forest oo ku jirta kaalinta lixaad tartanka loogu jiro dhammeynta shanta sare.
Wolves ayaa iyaguna soo galay kulankaan iyagoo wata lix guul oo xiriir ah, waxayna doonayeen inay gaaraan guushoodii toddobaad oo xiriir ah heerka ugu sarreeya markii ugu horeysay tan iyo 1946. Si kastaba ha ahaatee, waxay la kulmeen niyad jab habeen ay labadooda weeraryahan ee ugu halista badnaa, Matheus Cunha iyo Rayan Ait-Nouri, ay birta garaaceen.
Inkastoo Wolves ay si fiican ku bilowdeen kulanka ayna u muuqdeen kooxda khatarta badan badankii qeybta hore, haddana fursadihii ay heleen ayay ka faa’iideysan waayeen. Cunha ayaa si gaar ah u ahaa mid firfircoon, isagoo kubad qurxoon u dhiibay Bellegarde kaasoo ku guuldareystay inuu si fiican uga faa’iideysto fursad dahabi ah.
City ayaa iyaduna heshay fursadeedii ugu horeysay daqiiqaddii 33-aad markii Doku uu bidixda ka soo galay kubadna u dhiibay O’Reilly, kaasoo darbo xoogan laagay. Labo daqiiqo ka dib, City ayaa hogaanka qabatay markii Bernardo Silva uu kubad ka qaatay khadka dhexe ka hor inta uusan Doku kubad dib u soo celin De Bruyne kaasoo si qurxoon shabaqa u dhex dhigay.
Guushan ayaa ah mid muhiim u ah Manchester City iyagoo sii dhowaanaya xaqiijinta booskooda Champions League xilli ciyaareedka soo socda. Qaab ciyaareedkooda joogtada ah iyo tayada ciyaartoydooda muhiimka ah sida De Bruyne ayaa ah mid muujinaya sida ay ugu qalmaan inay ka ciyaaraan heerka ugu sarreeya ee kubadda cagta Yurub.