Manchester United ayaa heshiis la gaartay Liam Delap laakiin waxaa laga yaabaa inay weli guuldarro kala kulmaan Chelsea tartanka loogu jiro saxiixa weeraryahanka Ipswich Town.
22-sano jirkaan ayaa wacdaro dhigay xilli ciyaareedkiisii ugu horreeyay ee buuxa ee Premier League, isagoo u dhaliyay 12 gool kooxda Ipswich oo laga soo reebay heerka koowaad.
Delap, oo kulankiisii ugu horeeyay u saftay Manchester City 2020, ayaa diyaar ah sababtoo ah 30 milyan ginni oo lagu burburin karo heerka labaad ee heshiiskiisa Ipswich.
Sida laga soo xigtay ESPN, United ayaa u sheegtay Ipswich inay dhaqaajin doonto lacagta lagu burburin karo qandaraaska Delap haddii uu weeraryahanku ku wargaliyo inuu doonayo inuu ku biiro kooxda Ruben Amorim.
Warbixinta ayaa intaa ku dartay in United ay sidoo kale heshiis shaqsi ah la gaartay Delap, kaasoo aan go’aan kama dambeys ah ka gaarin mustaqbalkiisa, balse laga yaabo inay waayi karaan maadaama Chelsea iyo Everton ay labaduba diiwaan galiyeen xiisahooda.
Kooxda Enzo Maresca ayaa sidoo kale awood sare ku yeelan karta United maadama ay awood u leedahay in ay u soo bandhigto Delap rajada uu ka ciyaari karo champions League xilli ciyaareedka dambe.
Delap, oo ah wiilka ciyaaryahankii hore ee Stoke City, Southampton iyo Republic of Ireland Rory Delap, ayaa kulankiisii ugu horeysay ee xirfadeed u saftay Manchester City 2020 ka hor inta aan laga iibin Ipswich afar sano ka dib 20 milyan ginni.
Isagoo hadlayay usbuucii hore, maamulaha Ipswich Kieran McKenna ayaa shaaca ka qaaday in Delap ‘ay aad u xiiseynayo koox kasta oo horyaalka ah’.
‘Liam waxa uu eegayaa dookhyadiisa sanadka soo socda, taas oo aan filayo in uu xaq u leeyahay in uu sameeyo, waana ku taageernay taas. Waxaan u maleynayaa inaan siinay ogolaansho inuu taas sameeyo usbuucan,’ McKenna ayaa yiri.
‘Waa go’aan aad muhiim ugu ah mustaqbalkiisa. Dabcan waxaa jira xiiso badan – waana sax. Waxaan u malaynayaa in qayb ka mid ah todobaadkiisii ay la yeelanaysay qaar ka mid ah wada sheekaysigaas.
“Waxay u muuqataa in uu aad ugu dhaw yahay in uu u dhaqaaqi doono xagaagan waxana uu xiiso ka qabaa koox kasta oo horyaalka ah, mana u malaynayo in ay jiraan kooxo badan oo adduunka ah oo aan doonayn in ay helaan isaga. Ma jiraan wax la kala soocay, ma jiraan wax la sameeyay ama la dhammaystiray ama xitaa aad iyo aad iyo aad u dhow, si habkaasi u qaato heerkiisa.