Loolanka loogu jiro saxiixa weeraryahanka Newcastle ee Alexander Isak ayaa weji cusub yeeshay, iyadoo kooxda Sacuudiga ee Al Hilal ay si xooggan usoo gashay tartanka. Sida uu sheegay wariye Gianluca Di Marzio, tababaraha Al Hilal ee Simone Inzaghi ayaa si gaar ah u dalbaday saxiixa Isak, kooxduna waxay diyaar u tahay inay dalab “aad u weyn” (massive) ka gudbiso.
Dhanka kale, kooxda Liverpool kama aysan quusan saxiixa xiddiga reer Sweden, inkastoo ay wadaan heshiiska Hugo Ekitike. Warbixino cusub ayaa sheegaya in Liverpool ay diyaar u tahay inay dalab cusub ka gudbiso Isak, laakiin waxay taasi ku xiran tahay haddii ciyaaryahanka laftiisu uu muujiyo inuu diyaar u yahay inuu u dhaqaaqo Anfield.
Tani waxay xaaladda ka dhigaysaa mid cakiran. Al Hilal waxay isku dayaysaa inay Newcastle ku qanciso lacag aad u badan, halka Liverpool ay si istiraatiiji ah u sugayso go’aanka ciyaaryahanka si aysan u wajihin diidmo kale.
Mustaqbalka Isak wuxuu hadda ku xiran yahay dookhiisa iyo haddii Newcastle ay aqbali doonto dalabka weyn ee Al Hilal.