Warar culus oo gilgilay suuqa kala iibsiga ayaa sheegaya in mas’uuliyiin ka socda Sacuudi Carabiya ay diyaarinayaan dalab jabinaaya rikoorka adduunka oo dhan, kaasoo gaaraya €350 milyan, si ay ula soo wareegaan xiddiga Real Madrid ee Vinicius Junior. Intaas waxaa dheer, ciyaaryahanka laftiisa ayaa loo soo bandhigay heshiis shan sano ah oo qiimihiisu yahay €1 milyaar.
Dalabkan culus wuxuu yimid xilli ay jireen warar sheegaya in Vini Jr. iyo Real Madrid ay isku mari la’yihiin heshiis kordhinta mushaarkiisa awgiis, taasoo bixitaan siin karta xiddiga reer Brazil.
Waxa sheekadan sii murginaya ayaa ah saameynta ay ku yeelan karto kooxaha kale. Haddii ay Real Madrid aqbasho dalabkan weyn, bartilmaameedkooda koowaad ee ay ku beddelayaan Vinicius wuxuu noqon doonaa xiddiga garabka uga ciyaara Liverpool ee Luis Díaz. Tani waxay weji cusub u yeelaysaa mustaqbalka Díaz, kaasoo isna dhawaan muujiyey inuu doonayo inuu ka tago Anfield.
Go’aanka ay qaataan Vinicius Jr. iyo Real Madrid wuxuu hadda si toos ah u saameyn karaa Liverpool, taasoo ka dhigaysa sheekadan tan ugu weyn ee suuqa xagaagan.