Tababaraha xulka qaranka Brazil, Carlo Ancelotti, ayaa adduunka kubadda cagta ka yaabiyey kadib markii uu si lama filaan ah uga reebay liiska xulkiisa ee kulamada isreebreebka Koobka Adduunka saddex ka mid ah magacyada ugu waaweyn ee dalkiisa: Neymar, Vinícius Júnior, iyo Rodrygo.
Go’aankan layaabka leh wuxuu yimid ka hor kulamada muhiimka ah ee ay Brazil la ciyaarayso Chile iyo Bolivia. Ancelotti ayaa sharraxay in go’aankiisu uusan ahayn mid la xiriira qaab ciyaareedka, laakiin uu yahay mid istiraatiiji ah. Wuxuu sheegay inuu doonayo inuu “si dhow u eego ciyaartoyda uusan si fiican u aqoon shaqsi ahaan.”
Wuxuu intaas ku daray inuu horey si fiican u ogaa waxa ay xiddigaha Real Madrid ee Vinícius iyo Rodrygo ay kooxda kusoo kordhin karaan, sidaas darteedna uu doonayo inuu fursad siiyo wejiyo cusub. Maqnaanshaha Neymar ayaa isna lagu sababeeyay dhaawac fudud oo uu qabo.
Liiska cusub ee uu Ancelotti soo saaray waxaa si weyn uga dhex muuqda ciyaartoy ka kala socota horyaalada Yurub ugu waaweyn, gaar ahaan Premier League, oo ay ku jiraan xiddigo sida Alisson, Gabriel Magalhães, Bruno Guimarães, Casemiro, iyo Richarlison.
Liiska Buuxa ee Xulka Brazil
| Booska | Ciyaaryahan | Kooxda |
| Goolhaye | Alisson | Liverpool |
| Bento | Al Nassr | |
| Hugo Souza | Corinthians | |
| Daafac | Alexandro Ribeiro | Lille |
| Alex Sandro | Flamengo | |
| Caio Henrique | Monaco | |
| Douglas Santos | Zenit | |
| Fabrício Bruno | Cruzeiro | |
| Gabriel Magalhães | Arsenal | |
| Marquinhos | PSG | |
| Vanderson | Monaco | |
| Wesley | Roma | |
| Khad Dhexe | André Santos | Chelsea |
| Bruno Guimarães | Newcastle | |
| Casemiro | Manchester United | |
| Joelinton | Newcastle | |
| Lucas Paquetá | West Ham | |
| Weerar | Estêvão | Chelsea |
| Gabriel Martinelli | Arsenal | |
| João Pedro | Chelsea | |
| Kaio Jorge | Cruzeiro | |
| Luiz Henrique | Zenit | |
| Matheus Cunha | Manchester United | |
| Raphinha | Barcelona | |
| Richarlison | Tottenham |