Kulankii ugu horreeyay ee Manchester derby ee xilli ciyaareedkan ayaa dhacaya maanta oo Axad ah, iyadoo Manchester City ay garoonkeeda ku martigelinayso kooxda ay deriska yihiin ee Manchester United.
Waa kulan caan ah oo ka tirsan jadwalka kubadda cagta Ingiriiska, waana kulan inta badan qaab ciyaareedka meesha ka baxo, inkastoo aysan labada kooxood midna kulankan soo gelin iyadoo kalsooni weyn ka buuxdo.
City ayaa ah kooxda loo badinayo, laakiin natiijooyinkoodii u dambeeyay waxay ahaayeen kuwo liita, iyagoo la kulmay labo guuldarro oo xiriir ah. United ayaa iyana guuldarrooyin la kulantay, laakiin waxay si dirqi ah uga soo badiyeen Burnley kahor fasaxii caalamiga ahaa.
Goorta & Goobta ay Tahay Ciyaarta?
- Goobta: Manchester, England
- Garoonka: Etihad Stadium
- Taariikhda: Axad, September 14, 2025
- Saacadda: 6:30 PM (Maqribkii) – Saacadda Geeska Afrika
Rikoodhka Fool-ka-Foolka ah (5-tii Kulan ee u Dambaysay)
- Man City: 2 Guulood
- Man Utd: 2 Guulood
- Barbaro: 1
Kulankii Ugu Dambeeyay: Man Utd 0–0 Man City (April 6, 2025)
Warbixinta Labada Kooxood
Manchester City
Guardiola wuxuu xaqiijiyay in Omar Marmoush uu ka maqnaan doono kulanka dhaawac awgiis. Waxaa sidoo kale liiska dhaawacyada ku jira Mateo Kovačić, Rayan Cherki iyo Rayan Aït-Nouri. Waxaa shaki weyn ku jiraa taam ahaanshaha John Stones. Laakiin waxaa diyaar ah Phil Foden iyo Joško Gvardiol. Go’aan lagama gaarin in goolhaye Donnarumma uu kusoo bilaaban doono iyo in kale.
Manchester United
Amorim ayaa xaqiijiyay in Matheus Cunha, Mason Mount iyo Diogo Dalot ay dhammaantood seegayaan kulanka Derby-ga. Waxay kusoo biirayaan Lisandro Martínez oo muddo dheer maqnaa. Tababaraha wuxuu xaqiijiyay in Altay Bayındır uu goolka kusoo bilaaban doono, halka la filayo in Benjamin Šeško uu safto kulankiisii ugu horreeyay ee Premier League.
Shaxaha La Filayo (Predicted Lineups)
Man City (4-1-4-1): Donnarumma; Nunes, Dias, Aké, Gvardiol; Rodri; Bobb, Silva, Reijnders, Doku; Haaland.
Man Utd (3-4-2-1): Bayındır; Yoro, De Ligt, Shaw; Mazraoui, Casemiro, Mainoo, Dorgu; Mbeumo, Fernandes; Šeško.
Saadaasha Ciyaarta
Way adag tahay in la saadaaliyo natiijada maalinta Derby-ga. City waxay ahaayeen kuwa loo badinayay sannadihii u dambeeyay laakiin taasi ma damaanad qaadayso guul. United ayaa ka badisay labo ka mid ah afartii kulan ee ugu dambeeyay.
Daafaca City wuxuu u muuqday mid furan xilli ciyaareedkan, taasoo ay ka faa’iideysan karto United. Marka la eego bilowga labada kooxood ee xilli ciyaareedka, waxaa laga yaabaa inay ku faraxsan yihiin inay dhibcaha qeybsadaan.
Saadaashayda: Man City 2 – 2 Man Utd