Garoonka Anfield ayaa maanta oo Sabti ah martigelinaya kulankii 247-aad ee Merseyside derby, iyadoo Liverpool iyo Everton ay ku loolamayaan seddex dhibcood iyo faanka magaalada.
Liverpool waxay ku bilaabatay xilli ciyaareedka si boqolkiiba boqol ah, laakiin waxay u baahatay goolal la dhaliyay daqiiqaddii 83-aad ama wixii ka dambeeyay si ay u xaqiijiso mid kasta oo ka mid ah shanteedii guulood ee tartamada oo dhan.
Inkastoo rikoodhkoodu uu xun yahay kulamadan, Everton waxay rajaynaysaa inay dhibic ka hesho kadib bilow wanaagsan oo xilli ciyaareedka ah. Kooxda David Moyes waxay ku jirtaa kaalinta lixaad, waxayna leeyihiin daafac si fiican u abaabulan iyo weerar soo hagaagay oo uu hoggaaminayo Jack Grealish.
Goorta & goobta ay tahay ciyaarta?
- Goobta: Liverpool, England
- Garoonka: Anfield
- Taariikhda: Sabti, September 20, 2025
- Saacadda: 2:30 PM (Duhurnimo) – Saacadda Geeska Afrika
Rikoodhka fool-ka-foolka ah
- Liverpool: 3 Guulood
- Everton: 1 Guul
- Barbaro: 1
Kulankii Ugu Dambeeyay: Liverpool 1–0 Everton (April 2, 2025)
Warbixinta labada kooxood
Liverpool Alexander Isak ayaa saftay kulankiisii ugu horreeyay bartamihii isbuuca laakiin ma jirto damaanad ah inuu mar kale kusoo bilaaban doono, iyadoo laga yaabo in Hugo Ekitiké lagu soo celiyo shaxda. Waxaa la filayaa in Alexis Mac Allister iyo Milos Kerkez ay kusoo laabtaan. Warka wanaagsan ayaa ah in Curtis Jones uu diyaar u yahay kulankan.
Everton Everton waxaa shaki ku jiraa taam ahaanshaha daafacyadeeda Jarrad Branthwaite iyo Vitaliy Mykolenko, inkastoo ay suurtogal tahay inay qeyb ka noqdaan kulanka. David Moyes wuxuu sidoo kale sheegay inay jiraan “jugo yaryar” oo kooxda dhexdeeda ah.
Shaxaha la filayo (Predicted Lineups)
Liverpool (4-2-3-1): Alisson; Frimpong, Konaté, Van Dijk, Kerkez; Gravenberch, Mac Allister; Salah, Wirtz, Gakpo; Ekitiké.
Everton (4-2-3-1): Pickford; O’Brien, Tarkowski, Keane, Garner; Gueye, Iroegbunam; Ndiaye, Dewsbury-Hall, Grealish; Beto.
Saadaasha ciyaarta
Everton waxay shaki la’aan si qoto dheer u fariisan doontaa daafaca, iyagoo isku dayaya inay niyad jabiyaan weerarka kooxda martida loo yahay. Liverpool lagama yaabo inay si fudud ku garaacdo Everton. Waxay noqon doontaa ciyaar adag, laakiin Reds, gaar ahaan caadadooda ah inay dhaliyaan goolal daqiiqadaha dambe, waxay ku kalsoon yihiin guusha. Inkastoo Everton ay soo bandhigtay horumar, rikoodhka xun ee ay ku leeyihiin Anfield ayaa ka dhigaysa Reds kooxda loo badinayo inay guuleysato.
Saadaashayda: Liverpool 1 – 0 Everton