Kooxda Liverpool waxay caawa ololaheeda Carabao Cup ka bilaabaysaa garoonkeeda, iyagoo martigelinaya kooxda Southampton ee ka socota horyaalka Championship. Reds, oo ku guuleysatay lixdii kulan ee ay ciyaartay xilli ciyaareedkan, waxay doonaysaa inay si raaxo leh ugu gudubto wareegga xiga, laakiin tababare Arne Slot ayaa la filayaa inuu si weyn u nasiyo xiddigihiisa waaweyn.
Liverpool waa kooxda ugu guulaha badan taariikhda tartankan (10 jeer), laakiin waxay finalkii ku guuldarreysteen xilli ciyaareedkii hore.
Dhanka kale, Southampton oo uu hoggaamiyo tababaraha da’da yar ee lagu ammaano Will Still, waxay ku jiraan bilow adag oo xilli ciyaareedka ah, iyagoo fadhiya kaalinta 19-aad ee horyaalka Championship. Guuldarro 3-1 ah oo kasoo gaartay Hull City dhammaadkii isbuuca ayaa ka dhigan inaysan guul horyaal ah gaarin tan iyo usbuucii koowaad.
Goorta & goobta ay tahay ciyaarta?
- Goobta: Liverpool, England
- Garoonka: Anfield
- Taariikhda: Talaado, September 23, 2025
- Saacadda: 10:00 PM (Habeennimo) – Saacadda Geeska Afrika
Rikoodhka fool-ka-foolka ah
- Liverpool: 4 Guulood
- Southampton: 0 Guulood
- Barbaro: 1
- Kulankii Ugu Dambeeyay: Liverpool 3–1 Southampton (March 8, 2025)
Warbixinta labada kooxood
Liverpool Slot wuxuu samayn karaa 11 isbeddel oo uu ku sameeyo kooxdii kusoo bilaabatay kulankii derby-ga. Waxaa la filayaa inuu fursad siiyo da’yarta akadeemiyada sida Rio Ngumoha iyo Trey Nyoni. Alexander Isak ayaa laga yaabaa inuu helo saacad kale si uu u dhiso taam ahaanshihiisa. Waxaa sidoo kale la filayaa inay kusoo bilowdaan saxiixyada cusub sida Giorgi Mamardashvili iyo Jeremie Frimpong. Waxaa dhaawac ku maqan kaliya Stefan Bajcetic.
Southampton Kooxda martida ah waxaa dhaawacyo kaga maqan Samuel Edozie iyo Welington. Waxaa suurtogal ah inuu kusoo laabto Flynn Downes oo xanuun ka bogsaday.
Shaxaha la filayo (Predicted Lineups)
Liverpool (4-2-3-1): Mamardashvili; Frimpong, Leoni, Gomez, Robertson; Nyoni, Endo; Chiesa, Jones, Ngumoha; Isak.
Southampton (3-5-2): McCarthy; Edwards, Wood, Stephens; Roerslev, Fraser, Downes, Jander, Manning; Stewart, Archer.
Saadaasha ciyaarta
Southampton waxba kuma qasaarayso kulankan, taasoo ka dhigi karta koox adag. Laakiin kooxda oo qaab ciyaareed liita ku jirta lagama yaabo inay taariikh ka sameyso halkan. Kulankan wuxuu tijaabo fiican u yahay qotada dheer ee kooxda Liverpool, guul ay gaaraan iyagoo xiddigo badan nasinaya waxay fariin kale u diri doontaa kooxaha Premier League ee ay la tartamayaan.
Saadaashayda: Liverpool 3 – 1 Southampton