- Real Madrid ayaa la sheegay inay qaadacday finalka Copa del Rey sababo la xiriira cabashada garsoorayaasha
- garsooraha ciyaarta ka hor ayaa si rasmi ah u ilmeeyay intii lagu jiray shirkii jaraa’id
- Bayaanka sii deynta naadiga oo xaqiijinaya mawqifkii u dambeeyay
wararka ciyaaraha Maanta
Real Madrid ayaa beenisay wararka sheegaya inay ka fikireen iney qaadacaan final-ka Copa del Rey ee ay la ciyaarayaan Barcelona sababo la xiriira walaacyo laga qabo kooxda garsoorayaasha.
Isdiyaarinta final-ka Sabtida ayaa waxaa hareeyay muran dhanka garsoorka ah ka dib markii telefishinka rasmiga ah ee Madrid uu daabacay muuqaal uu ku dhaleeceynayo garsoore Ricardo de Burgos Bengoetxea, kaas oo ilmeynaya intii uu socday shir jaraa’id uu uga jawaabayay muuqaalkaas.
Mas’uulka VAR Pablo Gonzalez Fuertes ayaa kadib soo baxay oo sheegay inay jiri doonaan “cawaaqib” ay la kulmi doonaan Madrid, isagoo uga digay Los Blancos in garsoorayaashu ay tallaabo ka qaadi doonaan dhaleeceynta.
“Wax shaki ah kuma jiro inaan bilaabi doono qaadashada tallaabooyin ka culus kuwa hadda la qaado,” ayuu yiri. “Ma sii ogolaan doonno waxa socda; maalmo yar gudahood ayaad maqashaan waxa dhici doona. Tani taariikh ayay sameyn doontaa; ma sii aqbali doonno waxa nala marsiinayo.”
Real Madrid ayaa markaas kadib soo saartay bayaan ay ku cambaareyneyso hadalladaas, isla markaana dalbatay in la beddelo kooxda garsoorayaasha, balse codsigooda waa la diiday. Jawaab ahaan, Madrid waxay kansashay tababarkii ay furan lahayd, diiday inay kasoo qeyb gasho shirkii jaraa’id ee finalka iyo sawir-qaadistii rasmiga ahayd.
Waxaa sidoo kale soo baxay warar sheegaya in Madrid ay ka fiirsaneysay iney gabi ahaanba ka haro finalka, balse bayaan cusub ayaa beeniyay wararkaasi.
“Markii la arkay wararka soo baxay saacadahii lasoo dhaafay, Real Madrid CF waxay caddaynaysaa in kooxdeennu aysan marnaba tixgelin iney ka baxdo final-ka maanta,” ayaa lagu yiri bayaanka.
“Kooxdeennu waxay fahamsan tahay in hadallada nasiib darro iyo aan habboonayn ee kasoo baxay garsoorayaasha loo magacaabay ciyaartan, oo la yiri 24 saacadood ka hor finalka, aysan sumeyn karin dhacdo ciyaareed oo heer caalami ah oo ay daawan doonaan boqolaal milyan oo qof, iyagoo ixtiraamaya dhammaan taageerayaasha u safraya Seville iyo kuwa horay ugu sugan Andalusia.”
“Real Madrid waxay rumeysan tahay in qiyamka kubadda cagta ay tahay inay guuleystaan, inkastoo mar kale la muujiyay caddaalad darro iyo colaad looga qaaday kooxdeena ay muujiyeen garsoorayaasha loo xilsaaray finalka.”
Iyadoo dhammaan arrimahan ay socdaan, finalka Sabtida waxaa laga yaabaa inuu noqdo ciyaarta ugu dambeysa ee Carlo Ancelotti uu hogaamiyo Real Madrid, iyadoo warar sheegayaan in la eryi doono marka ciyaartu dhamaato.