Kooxda Liverpool ayaa bari oo Isniin ah kusoo gabagabaynaysaa kulamadeeda isku diyaarinta xilli ciyaareedka cusub iyadoo la ciyaaraysa labo kulan oo aan caadi ahayn oo 90-daqiiqo ah oo ay la leedahay kooxda reer Spain ee Athletic Club garoonka Anfield.
Kulamadan waxay taageerayaasha Anfield siinayaan fursaddii ugu horreysay ee ay xilli ciyaareedkan ku arkaan kooxdooda oo ku ciyaaraysa funaanadda cusub ee guriga iyo waliba fursad ay ku daawadaan saxiixyada cusub ee waaweyn ee xagaagan.
Tababare Arne Slot ayaa la filayaa inuu labo shax oo gebi ahaanba kala duwan u adeegsado labada kulan si uu daqiiqado buuxa u siiyo inta badan ciyaartoyda kooxdiisa ka hor kulanka Community Shield.
Shaxda la Saadaaliyey ee Kulanka 1-aad (5 p.m. BST): Kulanka hore waxaa la filayaa inay hoggaamiyaan qaar ka mid ah saxiixyada cusub. Weeraryahan Hugo Ekitike ayaa la filayaa inuu weerarka hoggaamiyo, iyadoo daafaca bidix ee Milos Kerkez uu isna helayo kulankiisii ugu horreeyay ee Anfield. Da’yarka Rio Ngumoha ayaa sidoo kale la filayaa inuu mar kale soo muuqdo.
- Shaxda (4-2-3-1): Woodman; Bradley, Gravenberch, Van Dijk, Kerkez; Jones, Mac Allister; Salah, Elliott, Ngumoha; Ekitiké.
Shaxda la Saadaaliyey ee Kulanka 2-aad (8 p.m. BST): Ciyaarta labaad waxaa la filayaa inay saftaan inta kale ee kooxda waaweyn. Florian Wirtz, oo goolkiisii ugu horreeyay dhaliyey kulankii hore, ayaa la filayaa inuu kusoo bilowdo. Saxiixyada cusub ee Giorgi Mamardashvili iyo Jeremie Frimpong ayaa iyaguna safan doona kulankoodii ugu horreeyay ee Anfield.
- Shaxda (4-2-3-1): Mamardashvili; Frimpong, Konaté, Tsimikas, Robertson; Szoboszlai, Endo; Doak, Wirtz, Gakpo; Núñez.
Waxa xiisaha leh, Ibrahima Konaté iyo Darwin Núñez, oo mustaqbalkoodu shaki ku jiro, ayaa la filayaa inay ku soo bilowdaan kulanka labaad, taasoo ah fursad kale oo ay isku muujiyaan. Labadan kulan waa imtixaankii ugu dambeeyay ee kooxda ka hor bilawga xilli ciyaareedka rasmiga ah.