Kooxda Chelsea ayaa caawa ciyaareysa kulankeedii afraad oo xiriir ah oo ay la ciyaareyso koox ay jaal yihiin, iyadoo wiilasha Enzo Maresca ay safar gaaban ugu tagayaan kooxda Brentford kulan ka tirsan Premier League.
Blues, oo aan weli laga badin xilli ciyaareedkan, waxay doonaysaa guusheedii seddexaad oo xiriir ah. Waxaa dhiirigelin u ah inay guulihii u dambeeyay gaareen iyadoo uu ka maqnaa xidigooda ugu muhiimsan ee Cole Palmer.
Dhanka kale, Brentford waxay doonaysaa inay kasoo kabato guuldarradii Sunderland kasoo gaartay kahor fasaxii caalamiga ahaa.
Goorta & Goobta ay Tahay Ciyaarta?
- Goobta: London, England
- Garoonka: Gtech Community Stadium
- Taariikhda: Sabti, September 13, 2025
- Saacadda: 10:00 PM (Habeennimo) – Saacadda Geeska Afrika
Rikoodhka Fool-ka-Foolka ah (5-tii Kulan ee u Dambaysay)
- Brentford: 2 Guulood
- Chelsea: 1 Guul
- Barbaro: 2
Kulankii Ugu Dambeeyay: Brentford 0–0 Chelsea (April 6, 2025)
Warbixinta Labada Kooxood
Brentford
Waxaa war wanaagsan u ah kooxda martida loo yahay soo laabashada khadka dhexe ee Vitaly Janelt, kaasoo diyaar ah markii ugu horreysay tan iyo bishii April. Saxiixoodii maalintii ugu dambeysay, Reiss Nelson, ayaa isna la xaqiijiyay inuu qeyb ka ciyaari doono kulanka.
Chelsea
Tababare Maresca wuxuu sheegay in go’aan laga gaari doono taam ahaanshaha Cole Palmer tababarka kadib, laakiin waxaa laga yaabaa inaan lagu soo bilaabin xitaa haddii uu taam noqdo, maadaama ay usbuuca dambe la ciyaarayaan Bayern Munich. Waxaa weli dhaawacyo muddada dheer ah kaga maqan Liam Delap iyo Levi Colwill. Ciyaartoyda South America kasoo laabatay sida Andrey Santos iyo João Pedro ayaa laga yaabaa in lagu qasbo inay ciyaaraan daal awgiis.
Shaxaha La Filayo (Predicted Lineups)
Brentford (4-2-3-1): Kelleher; Kayode, Collins, Van den Berg, Henry; Henderson, Jensen; Ouattara, Damsgaard, Schade; Thiago.
Chelsea (4-2-3-1): Sánchez; James, Chalobah, Adarabioyo, Cucurella; Caicedo, Sandro; Neto, Fernández, Gittens; Pedro.
Saadaasha Ciyaarta
Shaki kuma jiro in Chelsea ay tayo ahaan ka fiican tahay, laakiin saadaashan waxay ku saleysan tahay saameynta fasaxa kulamada caalamiga ah. Dhowr ka mid ah ciyaartoyda muhiimka ah ee Chelsea ayaa saacado badan kusoo qaatay duulimaad, taasoo ka dhigan in diyaar garowgoodu uusan fiicnayn.
Brentford waxay soo bandhigi doontaa ciyaar geesinimo leh, waxaana la filayaa inay dhibic ka helaan kulankan.
Saadaashayda: Brentford 1 – 1 Chelsea