Habeen gaar ah oo Champions League ah ayaa ka dhacaya St. James’ Park caawa oo Khamiis ah, iyadoo Newcastle United ay martigelinayso Barcelona kulanka koowaad ee marxaladda group-yada.
Labada kooxood, oo uu isku xiro tababarihii weynaa ee Sir Bobby Robson, ayaa isaga hor imaanaya markii ugu horreysay tan iyo 2003. Laakiin waa kulankoodii 1997-kii ee sida weyn loogu xasuusto Tyneside, markaasoo Faustino Asprilla uu seddexleey ka dhaliyay guushii 3-2 ahayd.
Kooxda hadda ee Barcelona waxay haysataa awood la mid ah, waxayna kulankan imaanayaan iyagoo 6-0 kusoo garaacay Valencia.
Goorta & goobta ay tahay ciyaarta?
- Goobta: Newcastle, England
- Garoonka: St. James’ Park
- Taariikhda: Khamiis, September 18, 2025
- Saacadda: 10:00 PM (Habeennimo) – Saacadda Geeska Afrika
Rikoodhka fool-ka-foolka ah
- Newcastle: 1 Guul
- Barcelona: 3 Guulood
- Barbaro: 0
Kulankii Ugu Dambeeyay: Newcastle 0–2 Barcelona (March 19, 2003)
Warbixinta labada kooxood
Newcastle United Warka wanaagsan ee Newcastle ayaa ah soo laabashada Anthony Gordon oo diyaar u ah kulankan kadib ganaax gudaha ah. Waxaa la filayaa inuu weerarka hoggaamiyo. Waxaa dhaawacyo kaga maqan saxiixyada cusub ee Yoane Wissa iyo Jacob Ramsey.
Barcelona Barcelona waxaa weli ka maqan xiddigooda da’da yar ee Lamine Yamal oo la tacaalaya dhaawac gumaarka ah. Sidoo kale, Gavi, Alejandro Balde iyo Marc-André ter Stegen uma aysan safrin kooxda. Laakiin waxaa diyaar ah oo kusoo laabtay Frenkie de Jong. Raphinha iyo Robert Lewandowski ayaa la filayaa inay kusoo laabtaan shaxda hore.
Shaxaha la filayo (Predicted Lineups)
Newcastle (4-3-3): Pope; Trippier, Schär, Burn, Livramento; Guimarães, Tonali, Joelinton; Murphy, Gordon, Barnes.
Barcelona (4-2-3-1): García; Koundé, Araújo, Cubarsí, Martín; De Jong, Pedri; Raphinha, López, Rashford; Lewandowski.
Saadaasha ciyaarta
Kooxda Eddie Howe waxay caddeysay inay awood u leeyihiin inay dhibaateeyaan kooxaha waaweyn ee Yurub, laakiin kooxdan Barcelona, xitaa iyadoo ay ka maqan yihiin xiddigo muhiim ah, waa mid aad u fiican. Way adag tahay in la qiyaaso in kooxda martida loo yahay ay la tacaasho dhismaha hufan ee Barça, khadkeeda dhexe ee cajiibka ah, iyo xawaaraha ay ku weerartamaan. Kulankan ayaa tijaabo dhab ah u noqon doona awoodda Newcastle ee ah inay si joogto ah ula tartanto kooxaha ugu waaweyn Yurub.
Saadaashayda: Newcastle 2 – 4 Barcelona