Ololaha kooxda Chelsea ee Carabao Cup wuxuu caawa ka bilaabanayaa garoonka kooxda League One ee Lincoln City, iyadoo Blues ay kulankan soo galayso kadib guuldarro kasoo gaartay horyaalka Premier League.
Dhibaatooyinkoodii Old Trafford waxay sii socdeen Sabtidii, iyagoo ku ciyaaray toban nin inta badan ciyaarta guuldarradoodii 2-1 ahayd. Blues hadda ma aysan badin seddexdii kulan ee ugu dambeysay tartamada oo dhan, laakiin waxaa si weyn loogu saadaalinayaa inay kusoo laabtaan jidka guusha bartamihii isbuucan.
Dhanka kale, Lincoln City waxay ku jirtaa qaab ciyaareed wanaagsan, iyagoo kaliya hal guuldarro la kulmay sagaalkii kulan ee ugu horreeyay ee horyaalka, waxayna fadhiyaan kaalinta seddexaad.
Goorta & goobta ay tahay ciyaarta?
- Goobta: Lincoln, England
- Garoonka: LNER Stadium
- Taariikhda: Talaado, September 23, 2025
- Saacadda: 9:45 PM (Fiidkii) – Saacadda Geeska Afrika
Rikoodhka fool-ka-foolka ah
Labada kooxood isma aysan arag wax ka badan 100 sano, tan iyo 1911.
Warbixinta labada kooxood
Lincoln City Kooxda martida loo yahay waxaa laga yaabaa inay ku tiirsanaato weeraryahanno da’yar si ay u abuuraan lama filaan. Waxaa dhaawac kaga maqan Jack Moylan.
Chelsea Shaki kuma jiro in tababare Maresca uu si weyn u beddeli doono shaxdiisa. Robert Sánchez wuu ganaaxan yahay, taasoo ka dhigan in Filip Jörgensen uu goolka ilaalin doono. Alejandro Garnacho ayaa la filayaa inuu safto kulankiisii ugu horreeyay ee uu kusoo bilowdo, halka Marc Guiu uu hoggaamin karo weerarka. Waxaa dhaawac ku maqan Cole Palmer, Benoît Badiashile iyo Roméo Lavia.
Shaxaha la filayo (Predicted Lineups)
Lincoln City (4-3-3): Jeacock; Montsma, Jackson, Bradley, Reach; House, Barbrook, Ring; Thorn, Draper, Okoronkwo.
Chelsea (4-2-3-1): Jörgensen; Gusto, Tosin, Acheampong, Hato; Santos, Fernández; Garnacho, Buonanotte, Gittens; Guiu.
Saadaasha ciyaarta
Lincoln City waxay dhiirigelin ka qaadan kartaa guushii Grimsby Town ay ka gaartay Man Utd wareegii hore. Laakiin inkastoo ay Chelsea ku jirto qaab ciyaareed liita, tayada kooxdeeda, xitaa marka la nasiyo xiddigaha waaweyn, waa inay ahaato mid ku filan inay usoo baxdo wareegga xiga. Kulankan wuxuu fursad weyn u yahay Chelsea inay kasoo kabato natiijooyinkeedii xumaa ayna kalsooni hesho.
Saadaashayda: Lincoln City 0 – 2 Chelsea