Kulan xiiso badan oo la daawado ayaa la filayaa kahor fasaxa caalamiga ah ee Oktoobar, marka ay Real Madrid oo kaalinta labaad ku jirta ay wajaheyso Villarreal oo kaalinta seddexaad fadhida. Bilowgii qummanaa ee Real Madrid waxaa soo afjaray guuldarradii Madrid derby, laakiin waxay si weyn usoo kabteen bartamihii isbuuca, waxayna hadda wajahaan imtixaan kale oo adag oo La Liga ah.
Kooxda Yellow Submarine waxay fadhidaa labo dhibcood oo kaliya ka dambeysa Real Madrid, iyagoo badiyay shan ka mid ah todobadii kulan ee ugu horreeyay. Si kastaba ha ahaatee, kulamadii dhowaa ee labada kooxood waxay u hiilinayaan Real Madrid; Villarreal waxay seddex dhibcood ka heshay 16-kii kulan ee ugu dambeeyay labo jeer oo kaliya.
Goorta & goobta ay tahay ciyaarta?
- Goobta: Madrid, Spain
- Garoonka: Santiago Bernabéu
- Taariikhda: Sabti, October 4, 2025
- Saacadda: 10:00 PM (Habeennimo) – Saacadda Geeska Afrika
Rikoodhka fool-ka-foolka ah
- Real Madrid: 3 Guulood
- Villarreal: 1 Guul
- Barbaro: 1
- Kulankii Ugu Dambeeyay: Villarreal 1–2 Real Madrid (Mar. 15, 2025)
Warbixinta labada kooxood
Real Madrid Soo laabashada Éder Militão waa war aad u weyn oo u ah Los Blancos, oo weli ay ka maqan yihiin daafacyada Trent Alexander-Arnold, Dani Carvajal, Antonio Rüdiger iyo Ferland Mendy. Sidoo kale, Jude Bellingham ayaa la filayaa inuu kusoo laabto shaxda hore kadib markii uu kasoo muuqday keydka kulankii hore.
Villarreal Liiska dhaawacyada Villarreal waa mid ka dheer kan Real Madrid. Waxaa ka maqnaan doona Logan Costa, Willy Kambwala, Juan Foyth iyo Pau Cabanes. Waxaa sidoo kale shaki weyn ku jiraa taam ahaanshaha Ayoze Pérez iyo Gerard Moreno.
Shaxaha la filayo (Predicted Lineups)
Real Madrid (4-3-1-2): Courtois; Asencio, Militão, Huijsen, Carreras; Valverde, Tchouaméni, Bellingham; Güler; Mbappé, Vinícius Júnior.
Villarreal (4-4-2): Júnior; Mouriño, Veiga, Marín, S. Cardona; Akhomach, Partey, Gueye, Moleiro; Mikautadze, Pépé.
Saadaasha ciyaarta
Dhammaan calaamaduhu waxay tilmaamayaan ciyaar adag. Villarreal waxay leedahay awood weerar oo ay kaga faa’iideysato daafaca daciifka ah ee Real Madrid. Si kastaba ha ahaatee, way adag tahay in la sharatamo iyadoo uu ka soo horjeedo Mbappé, iyo koox Real Madrid ah oo wax ay caddeyso u yaallaan garoonkeeda. Inkastoo labada kooxoodba ay la tacaalayaan dhaawacyo, kulankan wuxuu noqon doonaa tijaabo dhab ah.
Saadaashayda: Real Madrid 2 – 1 Villarreal