Ruben Amorim ayaa hiigsan doona inuu xaqiijiyo guushii labaad isagoo ah tababaraha Manchester United marka Red Devils ay martigeliso Everton kulan ka tirsan ciyaaraha Premier League.
Ka dib barbaro aad u xun kulankiisii ugu horeysay ee Ipswich Town, Amorim wuxuu helay guushii 3-2 ay ka gaareen kooxda reer Norway ee Bodo/Glimt ee Europa League habeenkii Khamiista. Bandhig aad isugu xiran oo Yurub ka dhacay ayaa waxaa hormuud ka ahaa Rasmus Hojlund, kaasoo labo gool dhaliyay, islamarkaana caawiyay guul aad loogu baahnaa.
Man Utd ayaa badisay shantii kulan ee ugu danbeysay ee ay la ciyaartay Everton inkastoo ay soo bandhigtay qaab ciyaareed niyad jab leh, waxaana ay qarka u saaran tahay inay lixdaas kulan soo kabsato . Toffees kuma badin Old Trafford tan iyo Disembar 2013 markaasoo tababarihii hore ee Everton David Moyes uu ku sugnaa garoonka United.
Kooxda Sean Dyche ayaa is taagtay ka dib markii ay si xun ku bilowdeen ololahan laakiin waxa ay wali ku adag tahay in ay helaan goolal iyo guulo. Waxa ay barbaro galeen saddexdii kulan ee ugu dambeeyay,waxana ay kaliya laba guul ka soo hooyeen 12 kulan oo ay ciyaareen ciyaaraha Premier League.
Wararka kooxda Man Utd
Walaaca dhaawaca United ayaa bilaabay inuu fududaado ka dib bilow adag oo ololahan, iyadoo xitaa Tyrell Malacia uu ku soo laabtay garoomada habeenkii Khamiista. Ciyaaryahanka reer Holland ayaan kasoo muuqan tan iyo ololihii 2022/23 sababo la xiriira dhaawac jilibka ah oo soo gaaray.
Luke Shaw ayaa daqiiqado badan ka ciyaarayay kursiga keydka bartamihii isbuuca, halka Kobbie Mainoo laga yaabo inuu soo galo line-upka isbuucaan ka dib markii uu bedel aan la isticmaalin uu noqday habenkii qamiista. Lisandro Martinez ayaa sidoo kale soo muuqday hal saac isagoo qeyb ka ah seddexda dhabarka ka dib walaac dhaawacyo dhawaan soo gaaray.
Si kastaba ha ahaatee, Amorim ayaa weli u muuqda mid aan lahayn dhowr daafac. Harry Maguire, Victor Lindelof iyo Leny Yoro ayaa dhamaantood ka maqnaa kooxdii maalinta ciyaarta ee Bodo/Glimt, halka Jonny Evans uu sidoo kale maqnaa ka dib markii uu seegay tababarkii ugu dambeeyay. Dhammaan afartu way maqnaan karaan usbuucan.
safka hore ee Man Utd
safka hore ee Man Utd vs Everton (3-4-2-1): Onana; Mazraoui, De Ligt, Martinez; Dalot, Mainoo, Ugarte, Shaw; Fernandes, Rashford; Hojlund.
saadasha: Man Utd 2-0 Everton