Kylian Mbappe iyo Vinicius Junior ayaa labaduba dhaliyay gool iyadoo Real Madrid ay 3-0 kaga badisay kooxda reer Mexico ee Pachuca finalkii Intercontinental Cup ee Doha.
Mbappe ayaa daqiiqadii 37-aad dhaliyay goolka 1-aad ee ciyaarta ka hor inta uuna Rodrygo goolka labaad u dhalin Madrid horaantii qaybtii danbe ee ciyaarta. Vinicius ayaa guul raaxo leh u xaqiijiyay kooxda heysata horyaalka Spain iyo Yurub isagoo dhaliyay rigoore.
Weeraryahanka France Mbappe ayaa ku soo laabtay line-upka Madrid ka dib markii uu seegay kulankii sabtida ee 3-3 ay la galeen Rayo Vallecano sababo la xiriira dhaawac muruqa ah oo ka soo gaaray guushii Champions League ee Atalanta todobaadkii hore.
Mbappe ayaa meel fog ka soo galay si uu u jebiyo ismari waaga ka dib ciyaar cajiib ah oo uu sameeyay Vinicius Junior, kaasoo maalin ka hor ku guuleystay abaalmarinta ciyaaryahanka ugu fiican FIFA maalin ka hor ka dib markii uu seegay Ballon d’Or.
Rodrygo ayaa kubad uu ka soo tuuray cidhifka aagga ka dhigay in Madrid ay si buuxda u maamusho, laakiin goolku ma ahayn muran la’aan.
Waxaa loo ogolaaday inuu istaago ka dib markii garsooraha uu la tashaday kormeeraha garoonka inkastoo Jude Bellingham uu ku jiray booska Offside wuxuuna u muuqday mid faragelinaya xariiqda goolhayaha.
Vinicius ayaa ku daray rigoore seddexaad lix daqiiqo ka dib markii VAR kale dib u eegis lagu sameeyay ka dib markii Lucas Vazquez lagu gooyay diilinta ganaaxa Pachuca.
Kani waa koobkii ugu horeeyay ee FIFA ay taageerto Intercontinental Cup, kaas oo si balaadhan u ilaalinaya qaabkii hore ee koobka kooxaha aduunka.
Kooxda dambe ayaa la balaadhinayaa oo lagu dari doonaa 32 kooxood sanadka 2025, waxaana hadda la ciyaari doonaa afartii sanaba mar. Nooc hore oo ah Koobka Intercontinental Cup wuxuu socday 1960 ilaa 2004 oo ay ku lug lahaayeen horyaalada Yurub iyo Koonfurta Ameerika.
Madrid ayaa mar kale la ciyaari doonta Pachuca koobka kooxaha aduunka ee sanadka soo socda ee ka dhacaya dalka Maraykanka, sidoo kale waxa ay la ciyaari doontaa kooxda Al Hilal oo ay ku jiraan Neymar, iyo Red Bull Salzburg.
Kooxda Carlo Ancelotti ayaa Axada marti galinaysa Sevilla kulan ka tirsan horyaalka La Liga kulankoodii ugu dambeeyay ee sanadkan. Waxa ay ku laaban doonaan Bariga Dhexe horraanta bisha Janaayo si ay uga qeyb galaan afarta kooxood ee Spanish Super Cup ee ka dhacaya Saudi Arabia.