Kylian Mbappe oo ka tirsan Real Madrid ayaa la hadlay ‘Real Madrid TV’ ka dib guushii ‘Merengues’ ee Leganes. Ciyaaryahanka reer France ayaa qirtay inuusan dan ka lahayn booska uu ka ciyaaro, maadaama waxa uu doonayo ay tahay inuu si fiican u qabto oo uu goolal badan dhaliyo.
Weeraryahanka Real Madrid Kylian Mbappe ayaa kulankiisii ugu horeeyay ee garabka bidix u ciyaaray kooxda Real Madrid kulankii ay Axadii 3-0 kaga badiyeen Leganes kaas oo uu dhaliyay goolkii furitaanka ciyaarta isaga oo badalay boos uu sheegay in ay caan ku tahay xirfadiisa ciyaareed.
“Waxay ahayd ciyaar wanaagsan. Si fiican ayuu ku bilowday, isaga oo laxanka la galay saaxiibadiis oo boos kale ku jira. Waxaan ka ciyaari karaa dhammaan boosaska, maanta way ka duwan tahay, kan xigana waxaa laga yaabaa inaan mar kale u ciyaari doono mid ka duwan. diyaar ayaan ahay Waa sheekada xirfadeyda, waxaan u ciyaaraa midig, bidix, dhexe, dhib iguma laha. Waxaan rabaa inaan si fiican u ciyaaro, caawiyo kooxda oo aan dhaliyo goolal badan,· ayuu u sheegay Real Madrid TV.
Mbappe ayaa sheegay in isagoo tababar ku soo qaatay Madrid intii lagu jiray fasaxa caalamiga ah, isagoo aan France looga yeerin kulankii labaad oo xiriir ah, ay u wanaagsan tahay inuu qaab ciyaareed wanaagsan ku jiro.
“Aad bay iigu fiican tahay inaan la tababaro wiilasha, oo ka socda kooxda kaydka sidoo kale. Maan aqoon qaar badan oo iyaga ka mid ah oo tayo badan ayay leeyihiin. jir ahaan waan fiicanahay waxaanan diyaar u ahay inaan caawiyo kooxda,” ayuu yidhi. Waxa uu sidoo kale tilmaamay muhiimada ay leedahay guushii ay kooxdiisu ka gaartay Leganes ka dib markii Barcelona ay barbaro 2-2 ah la gashay Celta Vigo.
“Waxaan halkan u nimid inaan guuleysano. Waan ognahay muhiimada ciyaarta. Waxay ahayd inaan badino ka dib barbarihii Barcelona. Waxaan ku bilownay si fiican, laxan wanaagsan, kubbadda, si fiican u ciyaarnay… Hadafka koowaad wuxuu ahaa mid aad muhiim u ah,” ayuu yidhi. Mbappe ayaa sidoo kale amaanay Fede Valverde oo kabtan u ahaa Real Madrid markii ugu horeysay bilowgii ciyaarta.
“Waa ciyaaryahan aad muhiim u ah. Marka dadku ka hadlaan ciyaartoyda, waxay ka hadlaan kuwa kale oo aan aragno wax badan, laakiin Fede waa mid aad muhiim u ah. Dadku aad ugama hadlaan isaga, laakiin aad buu muhiim noogu yahay. Waxa uu halkan ku qaaday koobab badan waxana aan rajaynayaa in uu sidaas sii wado,” ayuu yidhi Mbappe.